☆祥·仔★の【②℃※空間〗

上个星期我提左下系深圳既酒店骗局，你地居然联想起特殊服务，真系晕低(—_—!!!)……可能你地将个重点放左系“酒店”，所以就有D甘既联想~其实你地应该将个重点放系“骗局”上面！呵呵~

 

其实呢个骗局我就无中招啦，系同我一间房既一个friend中左招~叫张某~

过程系甘既——

有一晚我同几个friends逛左深圳既东门步行街，逛到大概九点半就返酒店休息，系房间过左一个钟，大概晚上十一点既时候，房间既电话响了，按照国际惯例，边个离电话最近既就边个接~当然就系我之前所讲既张某接左电话啦~当时我系唔知距地既对话内容，事后张某先同我讲！

对话内容大概系甘：张某拿起话筒，对方首先叫距猜下对方系边个！（大家出去旅游都经常会预到呢种情况，尤其系一大帮人：酒店一间房最多都系住三个人，所以一大帮人就会分散晒，我地之间就会靠酒店房间里面既电话来联系，而且如果大家好熟，仲不时会用电话来玩下其他人！）所以张某并无起疑心，猜对方系我地当中既一位同学！叫Han~（上当了！甘……之后既事都好理所当然甘发生了！）对方一于就扮成我地既同学Han同张某讲，话距既深圳朋友请距去Bar饮酒，想叫埋我地几个朋友一齐，仲话我地唔熟悉深圳，叫我地打的士去，距仲比埋距朋友既手机号码，叫我地到时打的士就拨距朋友既号码，等距朋友同司机讲地点系边！

张某听完电话，仲好兴奋甘叫我去，我听到之后第一反应系：刚刚先逛完东门，而家又去Bar，都系唔去了~但系如果系听晚就去！（逃过一骗！呵呵~~）其实，张某系我地心目中算系几贪玩噶喇，而且距觉得今次难得来深圳就去玩下啦……点知，就玩出火了！

张某自己一个人就出左去，我就继续留系房间睇电视休息……隔左大概一个小时，张某突然间开门入来，喘住气甘同我讲：“我刚刚用左五十几蚊游左一次的士河啊！而且又系去左东门！”我听到之后首先系觉得好好笑~但系再想想你唔系去左Bar噶咩，点解会甘快返，肯定系被人骗了！我好认真甘问距：“你出左去究竟遇到D咩啊？系米比人骗了？”

张某又好恼又好笑甘讲距出去之后既经历：张某出左酒店之后就打电话比之前骗子所讲既电话号码，跟住拿电话比的士司机听，的士司机知道地址之后就车张某去目的地……目的地居然系我地刚刚逛过既东门，张某觉得有少少奇怪，聪明甘叫的士司机唔好走住，等有人来接距，再比车钱。呢个时候骗子打张某电话，话距地已经来接张某，而且仲叫张某系附近既便利店买两张手机冲值卡添，话距地既电话都无咩钱了！张某一听到呢度，立即如梦初醒，心念肯定有唔妥！张某马上收线，打Han既手机问距而家系边？点知Han话距而家系酒店房间睇紧电视！张某确定自己已经上当受骗，立刻坐入刚才搭来既的士，第一时间返回自己既酒店房间……

用张某一句话来概括呢件事，就系：“咩都无损失，就系用左五十几蚊来游左一次东门的士河而已~！”

 

以后大家出外旅游都要小心D啦，尤其同一大帮人既时候！呵呵~~

 

今日系9.17，咩日子？！

Happy Birthday~！

to 肥超！！

呵呵~~

 

成个几月无更新过space，唔好话我懒，其实系因为msn改成live版之后我一直都觉得距有好多问题，例如登陆唔到啦、space打开唔到啦、邮件又系打开唔到啦等等……所以都系等个月先再上来更新space了~！

 

前几日，5号至9号我同30位大学同学一齐去左深圳既全国国际光学博览会做义工，呢几日既深圳行我除左每日例行做义工之外，仲去左深圳出名既东门同华强北，又去左深圳大学，而且最神奇既系有一晚居然比我遇到一个酒店骗局！呵呵~~由于时间关系，卖个关子先，下次先再讲讲系深圳遇到既酒店骗局啦~

 

听日又开学咯，开始最后一年既大学生活，大家都努力加油喇……

期待ing……

最近发觉电脑病毒比较猖獗，就连我呢D平时已经好小心既老手都中左招，比D病毒玩左一餐……

 

前两日使用电脑既时候，时不时就弹出两个ie窗口，然后就加载两个无咩关联既无厘头网站……

我直觉话比我听我部电脑9成9系中左病毒了！

 

其实电脑中毒基本上有三个解决方法：

 

一、最简单既方法。就系格式化硬盘，然后重装系统！不过使用甘既方法，付出既代价可想而知系非常之大既……作为玩电脑既老手，为左呢个小小既电脑病毒而格式化硬盘简直就系一种耻辱！所以，势不向小小既电脑病毒低头！呵呵~

 

二、最通俗既方法。就系使用杀毒软件杀毒！不过使用呢种方法其实都有缺点，最主要既缺点就系缺乏针对性……由于杀毒软件对搜索出来既每一种病毒文件都系做隔离或者删除处理，杀毒软件并没有针对性甘对某种病毒进行修复，所以甘样做只会治标而唔治本，病毒可能好快又会复发，而且对感染左病毒既文件进行隔离或删除而唔进行修复，仲有一个后果就系可能会令某个程序不能正常使用……

 

三、最冒险既方法。就系手动杀毒了！使用呢种方法要经常修改注册表同埋系统隐藏文件，所以非常讲究技巧同经验，否则就好容易会出差错，导致严重既后果，甘样就要用返第一种方法格式化然后重装喇！呵呵~

 

我呢次就系用第三种方法搞掂D病毒噶了……其实做好晒准备工作，使用第三种方法都好安全既……

准备工具有：一个有最新病毒库既杀毒软件（其实只系利用其查毒既功能，稳出受病毒感染文件既路径，如果可以上网，使用瑞星网上免费查毒功能仲方便！）；一个注册表备份同还原既工具（推荐使用超级兔子最新版，最新版仲可以彻底删除电脑里面上百种既流氓软件，有时觉得果D流氓软件仲讨厌过D病毒，简直就系合法既木马程序！）；另外介绍一个国外软件HijackThis（HijackThis能够扫描注册表和硬盘上既特定文件，找到一些恶意程序“劫持”浏览器既入口，对于恶意网页代码尤其有效，对于查找系统内既木马同蠕虫都有很好既辅助作用！呢次我能够搞掂D病毒，呢个软件真系功不可没啊！）

 

我首先利用瑞星网上免费查毒，查出我部电脑原来中左灰鸽子后门病毒！呢个病毒虽然唔系新病毒，但系距隐蔽性好、功能强大且变种繁多，对电脑既威胁性非常大，所以不能忽视！手动删除灰鸽子病毒（详细过程：灰鸽子病毒手工清除方法）之后，发觉之前所讲既中毒现象仲有发生，姐系话我部电脑仲有其他病毒未稳到！一时之间唔知点算好，系呢个时候HijackThis就成为关键了！我用HijackThis扫描系统，发现其中有一项十分可疑：“O10 - Unknown file in Winsock LSP: C:\WINDOWS\system32\quartz32.dll”，唔通呢个动态链接库文件就系罪魁祸首？！上网一查，果然！原来呢个系新病毒，净系金山毒霸病毒资料库上面有描述呢个系一个广告软件病毒（详情：Win32.ADWARE.Roogooo），唔怪得瑞星网上查毒查唔出来啦！既然金山毒霸病毒资料库有呢个病毒既资料，甘一于用金山毒霸查毒，果然查出来，然后我就贪图方便用毒霸杀毒……点知将果个受病毒感染既动态链接库文件隔离之后，居然用任何浏览器都打开唔到网页！睇来唔可以将果个病毒文件直接隔离，而系需要修复……既然HijackThis能够扫描出呢个病毒文件既问题，甘肯定就有办法修复，再次上网查询，终于稳到一个专门修复呢个问题既软件LSPFix了！（详细过程：修复quartz32.dll）用该软件修复后，再用金山毒霸查毒，已经无发现病毒了，杀毒过程宣告结束……

 

最后，大家可以系自己部电脑度做一个小小既病毒测试，睇下有无中我上述所讲既两种病毒……呵呵~系Windows既文件夹里面查找以下文件和隐藏文件：G_Server.exe、G_Server.dll和G_Server_Hook.dll（G_Server可以系任意既，不过多数都系G_Server）以上三个文件为一组，如果你查找到一组，甘你部电脑就好可能中左灰鸽子病毒啦！另外：quartz32.dll、wshcon32.dll、secur.dll、raspapi.dll、winipsec32.dll呢五个动态链接库文件，如果你查找到其中一个（字符完全一致才算），甘你部电脑就好可能中左Win32.ADWARE.Roogooo病毒啦！

趁放假试下自己部电脑啦……：）

 

真系好耐无更新个空间了！

真系有点愧对近呢个月上来既朋友仔们！

真系要对大家say sorry了！

呵呵~~

 

------

近呢个月真系除左睇书仲系睇书，除左考试都系考试，间唔中仲有关心下世界杯……呵呵~~

系呢段期间，发觉自己渐渐爱上左……感觉……

 

爱上临近考试既感觉……一种既紧张而又好充实既感觉！每天除左吃饭时间同训觉时间就系睇书既时间，我地称之为“反恐24小时”……

 

爱上系宿舍温书既感觉……有D人中意去课室温书，话果度有冷气，系甘热既天气底下有冷气的确会好爽！有D人中意去图书馆，话果度够多靓女，一边睇靓女一边温书都系好爽！呵呵~~而我就中意留翻系宿舍温书了，打开盏台灯，冲翻杯咖啡，一个人静静甘睇书，果种感觉都好爽！而且系宿舍可以更加自由，如果系课室或者图书馆真系连翻书都会惊嘈亲其他人，系宿舍如果温书累了仲可以周围调侃几句……

 

爱上忙里偷闲既感觉……每天晚上十点过后，去课室或图书馆既人都自修完返来，就系我地偷闲既时间了……有人就会系宿舍既走廊上大叫“谁要外卖”，然后就会有好多人响应，系等外卖既期间，大家就会系电脑上面互相解决……实况、拳王甚至红白机时代既街头霸王都会系大家互相解决既最佳途径……呵呵~~

 

爱上一齐套老师考题既感觉……

爱上一起探讨问题既感觉……

爱上考完试释然既感觉……

 

爱上……感觉……

………………

…………

……

 

繁忙的六月终于来临了——

NBA总决赛、世界杯、实验、招聘会、期末考、仲有电影……

 

6月9日~6月？日

--------------------------------------

2006 NBA Playoffs Finals

Miami Heat vs Dalls Mavericks

--------------------------------------

 

6月9日~7月10日

------------------------------------------------

2006 Germany World Cup Final Round

32强奉献64场精彩比赛

------------------------------------------------

 

6月中~6月底

-----------------

微机接口实验

光电技术实验

-----------------

 

6月中旬

-------------------

多个实习招聘会

-------------------

 

6月底~7月初

---------

期末考

---------

 

仲有好多电影好想睇啊……

Mission:Impossible:III                           Poseidon        

 

        The Da Vinci Code                    X-Men: The Last Stand   

 

繁忙啊……

 

近期睇左一部HK极为人气超级搞笑既真实视频短片——粗口阿叔VS四眼后生仔（on the bus）

http://file.boxy.com.cn/other/ashu.html OR http://www.youtube.com/watch?v=YY6JIfLrvJc

~家长指引~

由于短片内含有大量不雅用语！

睇来香港人既压力真系几大喔~！哈~~

 

-------

非常巧合——

星期一早上搭车返学果时甘岩又比我撞到一个阿叔系车上破口大骂！但系距叫骂既唔系一个后生仔，而系整个汽车公司！

正所谓事出有因，果位阿叔都唔系无端端就发甘大火既，除非系“十三点”啦~

阿叔发火既原因好简单，就系果日早上唔知点解76路车连续来左4部短线车，等左好耐先来一部常线车，搞到好多要搭常线车返工或者返学既人都迟晒到！

我记得果位阿叔系东川路站上车，然后就一路骂（内容省略），骂到差不多到会展站先肯停止，因为距要落车了……厉害啊……期间，阿叔系车上仲稳到几位“知音”，因为距地都系呢路车既常客，时不时就会比D短线车玩一次，所以距地都抑压左一肚火，终于系果日一齐爆发晒出来……

终于返到大学城，望下个表，果然比平时迟左差不多一个小时……

真系抵骂！

阿叔骂得好！

-END-

 

今日端午节咯，大家吃左粽未呢？！^^

 

近排无咩mood写野，甘就来玩个游戏啦——

 

[你能用一首歌的名字来回答楼上的问题吗 ?]

 

游戏规则：必须用一首歌名来回答问题，并写明歌手是谁。然后回答了别人一个问题后，再自己提出一个问题给别人~你只需回答别人提给你的最后一个问题就得了（如果你有时间都可以把所有问题回答一次嘎，呵呵~）

 

1楼：楼下你多久洗一次澡？

2楼：十年——陈奕迅 问：六一节快乐吗？
3楼：你快乐所以我快乐——王菲 问：你每天几点钟起床啊？

4楼：凌晨三点钟——张智成 问：你那今天天气怎么样？
5楼：雨一直下——张宇 问：对你的未来是怎么憧憬的？
6楼：我的未来不是梦——张雨生 问：你早餐吃什么的啊？

7楼：豆浆油条——林俊杰 问：不想长大的原因？

8楼：自欺欺人——方力申&傅颖 问：你最喜欢做什么事？

9楼：climbing the walls——backstreet boys 问：希望另一半是怎样的人？

10楼：快乐——张智成 问：你最想同心里面边个人讲边句话？

11楼：爱你变成恨你——吴雨霏 问：我要点样做先可以得到你噶心？（tommywoods）

12楼：爱与诚——古巨基 问：讲下你既近况？（richard）

 

凡是路过我space既朋友仔们有时间就玩下啦~enjoy it~

 

##########

最近比较烦……

收到风：“今年暑假我地又要搬宿舍！”

准确D来讲，应该系换宿舍！因为我地要由南区宿舍搬到北区宿舍，唔系搬返本校……

不过都够我地烦噶了！

点解我地住得好地地，学校就硬系中意搞D甘既野来玩一玩我地呢D学生！

校方理由：由于教师宿舍楼不够用，要用学生宿舍楼当教师宿舍楼！

当我地系三岁细路仔吗？！甘既理由都可以说服我地？！

几座教师宿舍楼基本上都是空的！

而且大学教授多数都已有妻儿，哪个还肯住系大学城呢D甘偏僻既地方？！

可见学校既领导系如此的低能！还当我们系比他们更低能的低能！

我地齐齐上书到学校反映，点知还被学院既领导话我地越级！

可恶……居然还被自己学院既领导反踩一脚！

失望……果真是狼狈为奸……

无办法……只能够听天由命？！

还是……X、Y、Z等未知数？！

##########

----------------------

今日系5.14母亲节，送上笑话一则：

 

老妈：“阿仔，呢个『I don't know』咩意思啊？”

我说：“我唔知道。”

老妈：“衰仔，送你上大学读左几年书，你点可能唔知道啊？！”

我说：“唔系啊！真系『唔知道』吖嘛！”

老妈：“仲驳嘴！”

说完老妈给了我一记耳光……

老妈：“噤『I know』系咩意思你应该知啦！”

我说：“『我知道』。”

老妈：“知道就快D讲啦！”

我说：“『我知道』啊！”

老妈：“知道你又唔讲？唔识就唔好扮识！”

老妈又给了我一记耳光……

 

老妈：“再问你一个问题『Look up in the dictionary』系咩意思？”

我说：“查字典。”

这次，“啪啪”，我挨了两记耳光……

 

老妈：“最后我再问你『Use your head,then think it over』又系咩意思？”

我说：“用下你个脑，好好谂下。”

老妈：“死仔，仲唔系激我？！”

接著又要动手……

 

我连忙说：“系『世上只有妈妈好』的意思。”

老妈：“嗯，噤就差唔多！”

 

祝各位亲爱的母亲——母亲节快乐！

 

昨日睇电视听到陈SIR讲：“掀开今年5月6日和7日双休日的日历，你将发现这是一个历史性的巧合：1995年的这两天是我国开始实行‘双休日’的第一个星期六和星期日。”

哇……乜原来我地实行左双休日制已经有十一年既时间喇~！真系唔知唔觉咯！还记得读小学时一周上六日课既痛苦情景，亦令我念翻起“长短周”呢个过渡期产物……

陈SIR又接着讲：“十几年前，星期天被叫做‘战斗的星期天’，一天里打扫、购物、看亲访友从早忙到晚，却感觉比平日上班还要累。实行双休日平均一年增加了52个休息日，很多生活杂事可以集中处理，‘周五晚上聚友狂欢、周六操持家务、周日休息恢复’成为很多都市人生活的新习惯。”

系啊，的确实行左双休日制之后，放假既时间长左，人们可以支配既时间多左，甘当然就会令购物既时间多左（可以刺激消费），又或者探朋友&陪家人既时间多左（可以减少代沟），又或者运动既时间多左（可以增强体质），又或者……放假既时候，大家又何尝唔系呢几样活动呢？！呵呵~~

所以话，当时国家决定实行双休日制真系一个明智之举，而且一举就有N得！唔错唔错~~

 

day1 morning：

—— 装配 ——

将一部摩托车拆开成一个个零件，然后再将各个零件组装成一部摩托车

困难度：★☆☆ （拆就容易，装就好难）

辛苦度：☆☆☆ （过程好过瘾，发现原来每个人都有破坏欲！）

 

day1 afternoon & day2：

—— 焊接 ——

学习三种焊接技术（电弧焊、塑料焊&气焊），利用每种焊接技术做出一个工艺品

困难度：★★★ （技术要求最高既工种！）

辛苦度：★★★ （危险性最高既工种，需要很小心操作！）

 

day3 & day4：

—— 数控 ——

学习使用数控机床，需要懂得编写程序

困难度：★☆☆ （编程有点难度）

辛苦度：☆☆☆ （系空调房工作，爽！）

 

day5 morning：

—— 热处理 ——

学习钢材在热处理前后既变化，观看其金属相图

困难度：☆☆☆ （按部就班）

辛苦度：★☆☆ （需要一点耐性）

 

day5 afternoon：

—— 考试 ——

综合运用所学知识，做笔试题

困难度：★☆☆ （90分判断&单选，合格应该无问题）

 

附：

 

—— 诗一首 ——

----------------------

万里长征到广工

装配车工加钳工

铣刨磨焊样样学

测量数控最精通

----------------------